CHARLES D'ORLÉANS (1394–1465) RONDEL.XLV

RONDEL.

(Benoist d'Amien.)

Nagent en angoisse parfonde,
Où joye, ne plaisir n'abite,
Mon dolent cueur en nef mauldite,
D'Ercules a passé la bonde;
D'y avoir bien nul ne s'y fonde,
La voye si est interdite.
Nagent, etc.
Où joye, etc.

L'aider, nul ne peut en ce monde,
Fors Thetis qui Deesse est dicte
De la mer, car, sans contredite,
En elle tout povoir habonde.
Nagent, etc.