CHARLES D'ORLÉANS (1394–1465) RONDEL.16

RONDEL.

(Secile.)

Pourtant se vous plaignez d'Amours,
Il n'est pas temps de vous retraire,
Car encore il vous pourra faire
Tel bien, que perdrez vos dolours.
Vous congnoissez assez ses tours,
Je ne dy pas pour vous desplaire.
Pourtant, etc.
Il n'est, etc.

Ayez fiance en lui tousjours,
Et mectez paine de lui plaire;
Combien que mieulx me vaulsit taire,
Car vous pensez tout le rebours.
Pourtant, etc.