CHARLES D'ORLÉANS (1394–1465) RONDEL.22

RONDEL.

Vous vistes que je le veoye
Ce que je ne vueil descouvrir,
Et congnustes, à l'ueil ouvrir,
Plus avant que je ne vouloye.
L'ueil d'embusche saillit en voye,
De soy retraire n'eut loisir.
Vous vistes, etc.
Ce que je ne, etc.

Trop est saige qui ne foloye,
Quant on est es mains de Plaisir,
Qui lors vint vostre cueur saisir,
Et fist comme pieca souloye.
Vous vistes, etc.