RONDEL.
Gens qui cuident estre si saiges
Qu'ilz pensent plusieurs abestir,
Si bien ne se sauront couvrir
Qu'on n'aperçoive leurs couraiges;
Payer leur fauldra les usaiges
De leurs becz jaunes, sans faillir.
Gens qui, etc.
Qu'ilz pensent, etc.
On scet par anciens ouvraiges,
Dequel mestier scevent servir;
Melusine n'en peut mentir,
Elle les cognoist aux visaiges.
Gens qui, etc.