CHARLES D'ORLÉANS (1394–1465) RONDEL.111

RONDEL.

Je vous arreste, de main mise,
Mes yeulx, emprisonnés serez,
Plus mon cueur ne gouvernerez,
Desormais je vous en avise;
Trop avez fait à vostre guise,
Par ma foy, plus ne le ferez.
Je vous arreste, etc.
Mes yeulx, etc.

On peut bien pour vous corner prise,
Prins estes, point n'eschapperez;
Nul remede n'y trouverez,
Rien n'y vault apel, ne franchise.
Je vous arreste, etc.