Joachim Du Bellay. (1522-1560) A son livre CXX

CXX
Voicy le Carneval, menons chacun la sienne,
Allons baller en masque, allons nous pourmener,
Allons voir Marc Antoine, ou Zany bouffonner,
Avec son Magnifique à la Venitienne:
Voyons courir le pal à la mode ancienne,
Et voyons par le nez le sot buffle mener,
Voyons le fier taureau d'armes environner,
Et voyons au combat l'adresse Italienne:
Voyons d'oeufz parfumez un orage gresler,
Et la fusee ardent' siffler menu par l'aer.
Sus donc depeschons nous, voicy la pardonnance:
Il nous fauldra demain visiter les saincts lieux,
Là nous ferons l'amour, mais ce sera des yeux,
Car passer plus avant c'est contre l'ordonnance.